Балалар мерекесі

30 мамыр күні Достық үйінің алаңында Халықаралық балаларды қорғау күніне арналған  мереке өтті. Мерекеге 3-6 жас аралығындағы 200- ден астам балалар қатысты.  Қалалық Достық үйі және  «ШҚО Семей қаласының білім бөлімі» ММ-нің бірлесіп ұйымдастырылған жобасы « Семей қаласының іскер әйелдер қауымдастығы» ҚБ-ның қолдауымен өтті. Мерекенің бағдарламасына   «Әрқашан күн сөнбесін» тақырыбында асфальтта сурет салу конкурсы және  Достық үйінің әкімшілігімен  алғаш  ұйымдастырылған 1 қалалық «Таланттар отшашуы» және «Бейби шлягер»  фестивальдары лауреаттарының қатысуымен  ұйымдастырылған Гала концерт енді. Асфальт бетіне сурет салу конкурсына 80- нен  астам бала, оның ішінде корей, неміс мәдени бірлестіктерінің балалары, №8 балалар үйінің, «Ажар» ясли-бақшасы, «Арман» , №15 балабақша, «Бес Асыл» шағын орталығы, «Асыл Жібек», «Алтын бала», «Қуаныш» мектеп-кешенінің тәрбиеленушілері қатысты.  Әр балаға  гелий  шары, түрлі-түсті борлар және тағы басқа  сыйлықтар табысталды. Барлық қатысушыларды «Мәдениет және тілдерді дамыту бөлімі» ММ-нің  басшысы Аккожина Назерке Маулитовна,  қалалық білім бөлімінің өкілі Жұмағұлова Айжан Жұмабековна, қалалық мәслихаттың депутаты, «Семей қаласының  іскер әйелдер қауымдастығы» ҚБ-нің төрайымы Айнұр Серикпаевна Арғынбекова құттықтады. Балалар мерекесіне Достық үйінің этномәдени бірлестіктерінің  төрағалары мен белсенділері, ұлттық қолөнер үйірмелерінің мүшелері, этномәдени бірлестіктер жанындағы вокалдық-би  ұжымдарының қатысушылары, қалалық мәслихаттың  депутаттары, мемлекеттік және коммерциялық ұжымдардың  басшылары мен БАҚ өкілдері арнайы шақырылды. Гала концерт 15  іріктелген  номерлерден құралып, әр орындаудан кейін Іскер әйелдер қауымдастығы ҚБ-нің мүшелері қатысушы ұжымды марапаттау үшін сахнаға көтеріліп, мерекемен құттықтап жатты. Бұл іс-шараның негізгі мақсаты-  балаларға  мерекелік көңіл-күй сыйлау болса, негізгі мақсат- балалар  бойындағы шығармашылықты дамыту болып табылады.  Барша қатысушылар мен қонақтар аталған іс-шараны жоғары бағалады.

Қалалық Достық үйі