Празднование День Благодарности

Биыл екінші рет тойланып отырған Алғыс айту күні мерекесі еліміздегі түрлі ұлт пен ұлыс өкілдерін бір - біріне деген бауырмалдық пен сыйластықты тереңдете түскендей. Көреген көш басшы, сарапдал саясаткер Елбасы Н.Ә. Назарбаев түрлі этностардан құралған Қазақстан халқының бір шаңырақ астында берекелі өмір сүруіне жағдай жасауда. Бүгінде Қазақстан тағдыр тәлкегімен қоныс аударған түрлі этностардың құтты мекеніне айналды. Сол қиын-қыстау заманда пана болған қазақ елі ешқайсысын жатсынбай бауырына басты.Бүгінде Достық үйі – қоғамдық келісім орталығында Шығыс Қазақстан облыстық Қазақстан халқы Ассамблеясы мүшелері мен этномәдени бірлестік өкілдері Алғыс айту күнін атап өтті.ШҚО ҚХА хатшылығының меңгерушісі А.Қ. Нұрғазиев барлық шараға қатысушыларды мерекелерімен құттықтады.Іс-шара барысында сөз алған әзербайжан этномәдени бірлестігінің мүшесі Т.Р. Фараджев «Мен қазақ халқына, бізді қабылдаған қазақ жеріне құрметпен қараймын.Осы жерде бейбітшілік пен бірлікте өмір сүрудеміз, сол үшінде барша қасиетті қазақ халқына алғысым шексіз!- деді.
Мерекелік концерт кезінде әр ұлттың әндері шырқалса, мың бұралған бишілері өз өнерлерін көрермен қауымға паш етті. Сонымен қатар, қонақтарға арналған, көздің жауын алатын қол өнер бұйымдары қойылған көрме ұйымдастырылды.