«Jastar Generation 2024 – халықаралық мәртебеге ие жыл сайынғы коммуникациялық платформа

«Jastar Generation 2024» халықаралық жастар лагері – Қазақстанның түкпір-түкпіріндегі жастарды ғана емес, әртүрлі елдерден келген қонақтарды біріктіретін елеулі оқиға.

«Jastar Generation 2024 – халықаралық мәртебеге ие жыл сайынғы коммуникациялық платформа. Бұл жастарға өздері үшін жаңа әрі қызықты дағдыларды үйренуге мүмкіндік береді», - деп атап өтті Қазақстан халқы Ассамблеясы Төрағасының орынбасары, ҚР Президенті Әкімшілігі Қазақстан халқы Ассамблеясы хатшылығының меңгерушісі Марат Әзілханов.

Жас көшбасшылар, жарқын тұлғалар және қарапайым белсенді жастар өзара араласуға, оқуға және ойын-сауыққа толы ұмытылмас уақыт өткізу үшін Алматы төрінде түкпір-түкпірден жиналды.

Шығыс Қазақстан облысының «Ассамблея Жастары» қозғалысының мүшелері де лагерь аясында ұйымдастырылған түрлі пікірталастарға, белгілі тұлғалармен мотивациялық кездесулерге және шеберлік сабақтарына белсене қатысты.

Спикерлер жас белсенділерді өз оқиғаларымен шабыттандырып, өздерінің ерекше тәжірибелерімен бөлісті.

«Мұндай форматтағы іс-шаралар ұлттық құндылықтарды нығайтуға, жастардың ой-өрісін кеңейтуге және өзін-өзі тану үшін пайдалы ақпаратты меңгеруге көмектеседі», - деп атап өтті ШҚО «Ассамблея жастары» қоғамдық бірлестігінің жетекшісі Равиль Юнусов.