«Достық үйі - бейбітшілік және келісім орталығы» атты дөңгелек үстел

Медиация күні қарсаңында ЭМБ өкілдері, кәсіби және кәсіби емес медиаторлар, шығармашылық ұжымдар мен Достық үйі қызметкерлерінің қатысуымен «Достық үйі - бейбітшілік және келісім орталығы» атты дөңгелек үстел өткізілді.

Дөңгелек үстелді ШҚО ҚХА Медиация кеңесінің төрағасы, «ULAN» медиация және құқық орталығының басшысы Тулетай Замамбекқызы бастап, келе жатқан Медиация күнімен құттықтады.

Іс-шара барысында кәсіби медиатор, Р. Марсеков атындағы орта мектеп директорының тәрбие жұмыстары жөніндегі орынбасары Маржан Макетхановна және кәсіби медиатор Людмила Ивановна сөз сөйлеп, қатысушыларға дайындаған баяндамаларын ұсынды.

«Мектеп және қоғамдық медиаторларды оқыту мен практикалық сабақтар» сияқты қызықты тақырыптар қозғалды, қатысушылар өздерін қызықтырған сұрақтарды қойып, кәсіби мамандардан жауап ала алды.

Іс-шара соңында «ашық микрофон» айдарына кезек беріліп, әр қатысушы тақырыпқа байланысты өз ойларын ашық білдірді.