Meetup «Ассамблея жастары» - тәжірибе, бастамалар, инновациялар!

«Шығыс Қазақстан облысы Ассамблея жастары» лагері барысында «Ассамблея жастары» – тәжірибе, келешек, бастамалар» тақырыбында маңызды кездесу өтті. Баяндамашы ретінде ШҚО «Ассамблея жастары» ҚБ төрағасы Юнусов Равиль және облыстық волонтерлар фронт-офисінің басшысы Әділбеков Айдос сөз сөйледі.

Кездесуде жас көшбасшылардың негізгі жетістіктері мен жинақтаған тәжірибесі, сондай-ақ қозғалыстың даму перспективалары мен олардың қызметіне инновацияларды енгізу мәселелері талқыланды. Спикерлер қатысушыларды жаңа жобалар мен бастамаларға шабыттандыратын өз көзқарастары мен практикалық кеңестерімен бөлісті.

Бұл кездесу жастар арасында пікір алмасу және өзара түсіністікті нығайту үшін тамаша алаңға айналды. Лагерь қатысушылары құнды түсініктер мен әрі қарай даму үшін мотивация алды.