Жас кәсіпкерлер – креативті бизнес-идеялардың бастаушылары

Жас кәсіпкерлер – жаңа креативті бизнес-идеялардың бастаушылары. Сондықтан бұл саланы дамыту мәселесі өте өзекті. Шығыс Қазақстан облысының Азаматтық альянсы Мемлекеттік жастар саясатын іске асыру комитетімен бірігіп, қазіргі жастар үшін кәсіпкерлік саласының қолжетімділігі туралы пікірталас алаңын құруға бастамашы болды.

Диалог алаңына Достық үйінің қызметкерлері, «Жастар» Ассамблеясы қозғалысының мүшелері және этномәдени бірлестіктердің өкілдері қатысты.

«Жастар – қоғамның ең белсенді және бастамашыл бөлігі, оның ең қуатты әлеуетінен бас тарту, кем дегенде, көрегендік», - деп атап өтті ШҚО Азаматтық альянсының атқарушы директоры Ольга Бобрышева.

Сонымен қатар, «Бизнестің жол картасы – 2025» бағдарламасына сәйкес бизнес-инкубаторлардың іске қосылуын қадағалау, осыған байланысты кең көлемде ақпараттық науқан жүргізу және үкіметтік емес сектормен ғана шектелмей, саладағы барлық ресурстық орталықтарды қосу ұсынылды.

Қатысушылар Мыңжылдықтың тұрақты даму мақсаттарын, атап айтқанда, әйелдердің, ққыздардың оқытуға және тәуелсіз кәсіпкерлік бастамаларға қол жеткізуін назарға алды. Әйелдер комитетін құру мәселесі шешіліп өткен ASMAR әйелдер кәсіпкерлігі конгресінің күшін ескере отырып, осы салада сараптамалық әлеуетті арттыру ұсынылды (бар сарапшылар, тәлімгерлер).

Шара соңында ұйымдастырушылар сарапшылар мен практиктерге пікірлері, ұсыныстары, және жақсы ұйымдастырылған жұмыстары үшін алғыстарын білдірді!