Этносаралық коммуникациялардың рөлі туралы

Достық үйі - қоғамдық келісім орталығы этномәдени бірлестіктердің өкілдері және Қазақстан халқы Ассамблеясының еріктілері атынан «Қазақстандық қоғамдағы этносаралық коммуникацияның этнопсихологиялық негіздері» атты республикалық онлайн-семинар-тренингке қатысты.

«Бұл тренинг әр түрлі буын өкілдерінің тәжірибе алмасуы үшін диалогтық алаңнан кейін өтеді, бұл бізге Ассамблея мен Достық үйлерінің қызметіне жаңа көзқараспен қарауға, сондай-ақ одан әрі жұмыс істеу үшін жаңа идеяларды жүзеге асыруға көмектеседі», - дейді ұйымдастырушылар.  

Іс-шара Қазақстан халқы Ассамблеясының XXIX сессиясы туралы бейнероликтен басталып,  құттықтау сөздерінен кейін спикерлерге сөз берілді. Садвакасова Айгуль Какимбековна - этносаяси зерттеулер Институты директорының орынбасары, әлеуметтану ғылымдарының докторы, профессор және ҚХА ғылыми-сарапшылық кеңесінің төрайымы қазақстандық социумдағы этносаралық коммуникацияның әдіснамалық негіздері туралы ақпарат берді.

Л. Н. Гумилев атындағы ҚХА кафедрасының меңгерушісі, саяси ғылымдарының докторы, ҚХА ғылыми-сараптамалық кеңесінің мүшесі Наталья Павловна Калашникова «Оңтүстік өңір мысалында қауымдастық шеңберінде Қазақстан халқы Ассамблеясы кафедраларының этномәдени бірлестіктермен өзара іс-қимыл тетіктерін жетілдіру» кітабын таныстырды.

Спикерлердің баяндамаларынан кейін қатысушылар этнопсихология контекстінде этносаралық коммуникация бойынша жаттығулар орындады, рөлдік ойындар ойнады және психологиялық тесттерден өтті. Сондай-ақ, «Қазақстан қоғамындағы этносаралық қарым-қатынастың психологиялық ерекшеліктері» атты презентация жалғасын тапты.

Іс-шара пікірталаспен және ұсынымдарды қабылдаумен аяқталды.