85 жылдық мерейтойыңызбен, Борис Васильевич!

Достық үйі - Қоғамдық келісім орталығында ШҚО-ның бас орнитологы, биология ғылымдарының кандидаты, фаунист, педагогика бойынша 30-дан астам кітаптың және 350 ғылыми жарияланымның авторы Борис Васильевич Щербаковтың 85 жылдығына арналған мерекелік іс-шара өтті.

Ғалымды облыстық қоғамдық даму және мәдениет басқармаларының, ШҚО этномәдени бірлестіктерінің, ШҚО Ақсақалдар кеңесінің өкілдері, «Звено Алтая» облыстық әдеби бірлестігінің, облыстық және қалалық кітапханалардың өкілдері, өңірдің шығармашылық ұжымдары және т.б. құттықтады.

Мереке барысында жазушының өмірі туралы бейнематериалдар көрсетіліп, шақырылған қонақтар Борис Васильевичтің авторлық кітабының көрмесімен танысты.

Іс-шара ШҚО ҚХА Ақсақалдар кеңесінің төрағасы, жазушы, қоғам қайраткері, «Изумрудный Алтай» журналының бас редакторы Геннадий Николаевич Пуссептің құттықтау сөзімен ашылды.

Сондай-ақ қала әкімшілігі мен ШҚО-ның өкілдері де Борис Васильевичке жылы лебіздерін білдірді.

Іс-шараның ең жарқын сәттері өңірдің шығармашылық ұжымдарының вокалдық композициялары, Борис Щербаковқа арналған №11 «Изумрудный Алтай» журналының және ШҚО жазушыларының 30 томдық кітабының тұсаукесері өтті.