Сабантой - достықтың дәнекері

Достық үйінің алаңында Татар этномәдени бірлестігінің ұйымдастыруымен «Сабантой» мерекесі тойланды.

Іс-шараға жиналғандарға татар этносының мәдениеті мен салт – дәстүрі көрсетілді. Концерттік бағдарламада патриоттық вокалдық нөмірлер мен ұлттық аспаптардың орындауындағы әндер, би, сонымен қатар татар ұлттық ойындары ойнатылды. Сондықтан болар, Сабантой – татар халқының шоқтығы биік мерекесі. Мереке жыл сайын кең көлемде аталып өтіледі.

Сабантой — түркі халықтарында тойланатын мейрам. Бұл күн – татар ұлтының ұлттық дәстүрлерін ұлықтайтын күн. Ұлттық тағамдар әзірленіп, ұмытылып бара жатқан ұлттық дәстүрлерді көрсетеді. Бұл жолы да мерекелік шараға Татарстан Республикасынан арнайы өнерпаздар келіп, қатысты.