Рождество – сиқырлы сәт сыйлайтын жарқын мереке

Шығыс Қазақстан облыстық Достық үйі - қоғамдық келісім орталығының шығармашылық ұжымдарымен бірге қала тұрғындары жарқын Рождество мерекесін қарсы алды.

Көпшілікке арналған концерттік бағдарлама қонақтарды әндермен, билермен және осы мерекеге байланысты дәстүрлер мен әдет-ғұрыптар әлеміне қызықты саяхатпен қуантты.

Рождествоның ең танымал дәстүрлерінің бірі – Святки. Бұл кезде ряженные (маска кигендер) үйлерді аралап, молшылық пен тоқшылық тілеп, колядки (әндер) орындайды.

Біздің мерекемізде де колядки орындалды. Өз өнерлерін тек қаламыздың ұжымдары ғана емес, сонымен қатар Шығыс Қазақстанның аудандары мен ауылдарынан келген құрметті қонақтар да көрсетті.

Сонымен қатар, көпшіліктің назарына ұсынылған өнер мен қолөнер жәрмеңкесі тұрғындардың үлкен қызығушылығын тудырды.

«Маған бәрі өте ұнады. Керемет әсер қалдырды! Әрі әсерлі, әрі жылы, ерекше атмосфера болды. Осындай тамаша мереке үшін сүйікті Достық үйіне үлкен алғысымды білдіремін!», – деп бөлісті көрермен.