Урок как праздник

Ұлттық мерекелер - бұл халықты біріктірудің құралы ғана емес, сонымен қатар оның ерекшеліктерін көрсететін мәдениеттің элементі. Татар халқының көп ғасырлық тарихы бар дәстүрлі мерекелері бар. Осыған байланысты «Достық Үйі - Қоғамдық келісім орталығында» татар этномәдени бірлестігінің ұйымдастыруымен "Татар халкы язгы бәйрэмнәре" атты ашық сабақ - концерт өтті.

"Іс - шараның мақсаты - татар халқының тамаша дәстүрлері туралы айтып, бұл мәліметтерді көпшіліктің санасына сіңіру" дейді ұйымдастырушылар.

Көктемгі мерекелердің бірі - "Яз бәйрәме". 1 наурызда атап өтілетін көктем мерекесі. Оны "Чәчәк бәйрәме" деп те атайды. "Чип-чип" балапандардың құрметіне арналған алғашқы  мереке. Осы күнге дейін атап өтіледі және көктемнің жарқын мерекесі, табиғаттың оянуын бейнелейді. Концерт-сабақ аясында "Қарға ботқасы" және Наурыз мерекелері туралы толығырақ баяндалды.

Балалар, жасөспірімдер мен жастардың ерекше мерекесі – "Қарға ботқасы". Бұл мереке табиғаттың оянуын білдіреді, осы уақытта қараторғай, ұзақ секілді құстар ұшып келеді,  балалар оларды табиғат аясында қарсы алады. Балалар бұл күні аулаларды аралап, ән салып, сүт, май, жұмыртқа, жарма және басқа да азық-түлік жинайды. 

Содан кейін балалар далаға барып, жиналған тағамдардың барлығын үлкен қазанға салып, қайнатады. Бұл – мерекенің негізгі рәсімі. Барлығы ботқадан дәм татады, өйткені әркім өзімен бірге шыныаяқ пен қасық алып жүреді. Ботқаның бір бөлігі ұшып келген құстарға қалдырылады. 

Осыдан кейін түрлі ойын-сауық, ойындар ұйымдастырылып, ән шырқалады. Ал бізде сабақ-мереке, сондықтан концерттік бағдарлама ғана ұсынылды. Татар билері мен ұлттық әндер қатысушылардың көңіл-күйін көтерді.

Сонымен қатар, татар этносының Наурызды біздің өңірде қалай атап өтетіні туралы да айтылды. Бағдарламада мәдени
 мұраларды танып білуге арналған қызықты жұмбақтар да болды. Шара соңы ән, бимен, патриоттық өлеңдермен түйінделді. 

«Өте қызықты, мағыналы іс-шара. Келгенімізге өкінбейміз» дейді шара қонағы.