Жаңа айдар – ЭтноHistory! Етекбаева Күлбаран Сүлейменқызы

Етекбаева Күлбаран Сүлейменқызы (05.04.1943 – 17.12.2024) – ұлттық дәстүрлер мен мәдениеттің жанашыры. 1995 жылдан бері қоғамдық қызметпен айналысып, 2001 жылдан бастап «Шығыс Қазақстан мұсылман әйелдері» қоғамдық бірлестігінің төрайымы қызметін атқарды.

Күлбаран Сүлейменқызы қазақ халқының дәстүрлері мен рухани мұрасын насихаттауға арналған «Ақникет» және «Бесіктен бақиға дейін» атты екі кітаптың авторы. Бұл еңбектерде қазақтың мақал-мәтелдері, фольклорлық шығармалары, қазыналы қарттар мен дана әйелдердің нақыл сөздері жинақталған.

Ол өз қызметі арқылы мұсылман әйелдері мен қыздарын қоғамдық бірлестіктердің жұмысына кеңінен тарту, мұқтаж отбасыларға, әйелдер мен балаларға материалдық және моральдық қолдау көрсету сияқты игі мақсаттарды жүзеге асырды.

Күлбаран Сүлейменқызының еңбектері көптеген марапаттармен бағаланды:

• ​Шығыс Қазақстан облысы және Өскемен қаласы әкімдерінің грамоталары;
• ​Достық үйі – Қоғамдық келісім орталығының грамоталары;
• ​​Қазақстан іскер әйелдер қауымдастығы президентінің алғыс хаты;
• ​​Қазақстан Республикасының Тұңғыш Президентінің алғыс хаты (Президенттікке үміткерді қолдау жөніндегі қоғамдық штабтағы жұмысы үшін);
• ​​«Қазақстан Республикасының Тәуелсіздігіне 10 жыл», «Қазақстан Конституциясына 10 жыл», «Қазақстан Республикасының Тәуелсіздігіне 20 жыл», «Қазақстан халқы Ассамблеясына 20 жыл», «Достық үйіне 25 жыл», «Қазақстан Республикасының Тәуелсіздігіне 25 жыл» мерейтойлық медальдары.